Նոբելյան մրցանակակիրները Երեվանում

Նոյեմբերի 4-ին տեղի ունեցան Նոբելյան մրցանակակիրներ Թիմ Հանթի և Մարտին Չալֆիի հանրային դասախոսությունները Երևանում, որին մասնակցում էին կենսաբժշկության, մոլեկուլային կենսաբանության ու հարակից ոլորտներում ներգրավված ավելի քան 180 երիտասարդ գիտնականներ և ուսանողներ:

Թիմ Հանթի դասախոսությունը նվիրված էր քաղցկեղի հիմնախնդիրներին: Նա նշեց, որ քաղցկեղի բուժման գործում կան էական հաջողություններ: Հիվանդության բուժման համար պետք է ազատվել քաղցկեղածին բոլոր բջիջներից:

Հանթը բջջի բաժանումը կարգավորող սպիտակուցների` ցիկլինների հայտնագործողն է, որի համար Լելանդ Հարթվելի և Փոլ Ներսի հետ համատեղ ֆիզիոլոգիայի և բժշկության բնագավառում 2001թ. արժանացել է Նոբելյան մրցանակի: 

Ամերիկացի գիտնական Մարտին Չալֆին իր դասախոսության ընթացքում անդրադարձավ կանաչ ֆլուորեսցենտային սպիտակուցներին և դրանց անջատման մեթոդին: Նա Օսամու Շիմոմուրայի և Ռոջեր Ցիենի հետ համատեղ քիմիայի բնագավառում Նոբելյան մրցանակի է արժանացել 2008թ.:

Հարցեր, պատասխաններ, մեկնաբանություններ